बलेको दियो सरी यो जीवन थाहा छैन कति बेला निभ्छ
फुलेको फूल सरी यो जीवन थाहा छैन कति बेला ओइलाउछ
तोतेबोली बाल्दै लर्बराउदै हिड्दाहिड्दै कहाँ पुगे थाहा छैन
सयौं घुम्ती घुम्दा के के गुमाए थाहा छैन
गल्ती धेरै गरे फर्की हेर्दा केही देखिदैनन्
क्षमा माग्न पर्खी बस भन्छु पाइलाहरू रोकिदैनन्
बसन्तहरू आए धेरै अति नै मुना भाँचे हुोला
पछुताए आज साच्चै पल्लवीको मन कति रोला
मसी भरेर लेख्न लागेको कलम सरी यो जीवन
थाहा छैन लेख्दा लेख्दै कति बेला रोकिन्छ
आकाशमा मडारिएर घुमिरहेको बादल सरी यो जीवन
कति बेला कुन पहाडमा ठोकिन्छ
बलिको बोका सरी यो जीवन कतिखेर रत्ताम्य भएर ढल्नु छ
सलाईको काँटिसरी यो जीवन कतिखेर सिरिङ् बन्नु छ
बलेको दियो सरी यो जीवन कतिखेर हावाको हप्कासँगै निभ्नु छ
मनिषा अवस्थी
ठेगाना : पिपलाडी ०७ कञ्चनपूर
प्रकाशोन्मुख कृतिहरू
संघर्ष : (निबन्ध संग्रह)
नारीको पीडा : (उपन्यास)
शोषित नारी : (कविता संग्रह)