भगवानै हुन्न यहाँ न विद्वान हुन्छ

भगवानै हुन्न यहाँ न विद्वान हुन्छ
मान्छे बिना यो संसारै सुनसान हुन्छ

आकासैमा जून तारा नभए यो घाम
यो धर्तीमा रातै हुन्न न बिहान हुन्छ

जिन्दगीमा चुनौतीको पहाड छ र चढ्छौं
समस्या नै नभै कहाँ समाधान हुन्छ

पुरुष र नारी बिना सभ्यता काँ चल्छ
त्यसैले त सुन्दरताको यो बयान हुन्छ

लोभ, पाप, घृणाले चैं हारेको छ संधै
ढिलै सही सत्कर्मको नै सम्मान हुन्छ

दलवीर सिंह बराइली ‘घायल’
गुप्तेश्वर-३,रामेछाप
हाल:अबुधाबी,युएई