कहिले आउँछ होला त्यो एकदिन
जहाँ भारी नहोस् यो जीवन
जहाँ एउटै बनोस् बिपना सपना
अनि बैरी नहोस् आफ्नै मन
भीडमा खोजुँ कि एकान्तमा खोजुँ
शिशिरमा खोजुँ कि वसन्तमा खोजुँ
दैव हे, त्यो सपनाको गाउँ
छ कहाँ मलाई देखाऊ
उडाउँछौ कहिले आकाशमा बादल सरी
झारी दिन्छौ फेरि किन बनाई झरी
बग्छु म फेरि पनि खहरेकै भेल बनी
लहरहरू दियौ सागर छ खै कहाँ
सपनाहरू दियौ संसार खै कहाँ
दैव हे, त्यो सपनाको गाउँ
छ कहाँ मलाई देखाऊ
शब्दः कालीप्रसाद बासकोटा, सविन एकतारे
स्वरः सनुप पौडेल
संगीतः कालीप्रसाद बासकोटा
चलचित्रः मञ्जरी