सयथरी फूल फुल्ने संसारमा हाम्रो
जाई, जुई, चम्पा जे होस् मन परेको राम्रो ।
सौन्दर्यको रूप एकै उस्तै जिन्दगानी
किन बग्ने रै’छ माया मन तानीतानी ।
हेर्दाहेर्दै आँखा गड्छन् मन चल्मलाउँछ
अन्तरको रङ्गराशी मुस्कानमा आउँछ ।
अङ्गअङ्ग प्यारो लाग्ने किन उसको काया
कहाँ फुल्छ नवैलने यति चोखो माया ।
सम्बन्धमा होचो-अग्लो कालो-गोरो हुन्न
मनभित्र नदेखिने कुनै रूप हुन्न ।
सानो-ठूलो छुट्टदिैन पिरतीको त्यान्द्रो
जून होस् कि घाम जे होस् मन परेको राम्रो ।
-भोजपुर, गोगने