कोमल मनमा हिलो भर्दिन्छन कोही मान्छे

कोमल मनमा हिलो भर्दिन्छन कोही मान्छे
हिड्ने बाटोमा काडा छार्दिन्छन कोही मान्छे

सम्हालेर राखेको मन पोख्दाखेरि दुख्छ भने
दुखाईदिने अर्को गल्ति गर्दिन्छन कोही मान्छे

जीवनभरि खियाएर के पायो र ? त्यो डुंगा
किनारमा पारि छोडी तर्दिन्छन कोही मान्छे

बेइमानी यो मौसमको मार बदलिएछ कि ?
खडेरीमा वर्षात बनि झर्दिन्छन कोही मान्छे

संघर्षको जीवन जिउन नचाहने झुट बोल्छ
नपाएमा रुपसी जून मार्दिन्छन कोही मान्छे