यति छिटै जिन्दगीका पाटाहरू फेरिएछन


यति छिटै जिन्दगीका पाटाहरू फेरिएछन
थाहै नपाई गन्तव्यका बाटाहरू फेरिएछन

हृदयलाई बिच्छ्याएर माया प्रेम सजाएको
स्नेहालु त्यो आँगनीका माटाहरू फेरिएछन

किट पत्थर फुटाएर बनाएको बगैँचालाई
चट्ट पारी सिङ्गारेका साटाहरू फेरिएछन

थोप्ला थोप्ली बटुलेर दिनानुदिन बहाएको
रगत तथा पसिनाका टाटाहरू फेरिएछन

छातिभरी लागेका ती अनगिन्ती चोटहरू
घाउ फेरि बल्झिएर खाटाहरू फेरिएछन

कोमल भट्ट
पुरानो नैकाप,काठमाडौँ
हाल:-न्युयोर्क,अमेरिका
17th December,2012

  •  
  •  
  •  
  •  
  •  
  •  
  •  

1 thought on “यति छिटै जिन्दगीका पाटाहरू फेरिएछन”

  1. प्रिय मझेरी डट कम !
    यो

    प्रिय मझेरी डट कम !
    यो निरन्तर सद्भावना र स्नेह प्रति हार्दिक आभार तथा धन्यवाद प्रकट गर्दै उत्तरोत्तर प्रगतिको कामना गर्दछु l

Leave a Reply

Your email address will not be published. Required fields are marked *