रुपान्तरणको लागि मन्चित नाटक

उ पात्र, म दर्शक
मन्चन भई रहेको छ, दर्शन भईरहेको छ

म दर्शक,
रङगीन रहर र इच्छाहरुमा घात देख्न्ने अनी स्वार्थ देख्न्ने म दर्शक
रङग प्रतिको आस्था र विश्वाश हटेर कालो र सेतोको सादा बहावमा रमाउने प्रयास गरिरहेको म दर्शक

उ पात्र,
रङगीन नाटकको एउटा मुख्य पात्र उ
हुन सक्छ उ ठान्दैछ म उसको लक्षित दर्शक
मेरो कालो र सेतोको सादा गणितमा
उ पस्किन खोज्दैछ
त्यो घात र स्वार्थको रङगीन बिजगणित
सहीरहेको छु उ पात्रको लगातारको आक्रमण, प्रतिबाद छैन
सँख्यात्मक रुपमा उ पात्रको प्रभावमा रुपान्तरीत हुनेहरु म जस्ता धेरै छन त्यसैले प्रतिबाद्को अर्थ रहेन
एकोहोरो घात र स्वार्थको पक्षमा मन्चित रङगीन नाटक हेर्दिन भन्नुको बिकल्प छैन
म मुक: बनेर नाटक मुल्याङ्कन गर्दै छु
अबिरल प्रयत्न गर्दै छ उ
मेरो सादा आवरणमा
पोख्दै छ उ आफ्नो प्रखर अभिनय

म कता कता सोच्न पुग्छु , कतै म मा मेरो आफ्नो अठोटको कमी भएको त होइन
कतै प्रतिबाद्को महत्व मैले बिर्सेंको त छैन
र प्रतिफल म चुपचाप मुकदर्शक बन्दै छु
कतै म पनि बिस्तारै बिस्तारै त्यही घात र स्वार्थको रङमा रुपान्तरित हुन खोजी रहेको त छैन
एउटा अर्को पुनराव्रित्ती बनेर

प्रश्न यो निकै सताउछ मलाई,
निरक्र्यौल भेटदिन प्रश्न भित्रै अल्मलिरहेको छु
प्रश्न भित्रै रुमल्लिरहेको छु
रुमल्लिरहेको छु

DXB
northdj777@gmail.com