सुन्न सक्छौ भने मात्रै
सोध मेरो जीवन कथा
सहन सक्छौ भने मात्रै
सुन मेरा पीर व्यथा ।

धेरै चोटि जिन्दगी यो
टनटनी दुःखेको छ
आफ्नाले नै जलाउँदा
भत्भती पोलेको छ
हेर्न सक्छौ भने मात्रै
हेर मेरा दुःख अथाह
सहन सक्छौ भने मात्रै
सुन मेरा पीर व्यथा ।

मैले हाँस्ने हाँसोभित्र
नियालेर हेर्यौ भने
आँसु मात्रै भेट्छौ तिमीले
गहिरिएर खोज्यौ भने
पुछ्ने आँट भए मात्रै
पुछ मेरा चिसा आँखा
सहन सक्छौ भने मात्रै
सुन मेरा पीर व्यथा ।

सानेपा, ललितपुर

मधुपर्क २०६८ पुस

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *