नजरमा तिमी छाइराख्यौ
याद खूप आइराख्यौ ।

सुनिनौ कैले यो दिलको पुकार
दुनियाँको कुरा पत्याइराख्यौ ।

देखेर पनि मलाई नचिन्ने
चस्मा कस्तो लगाइराख्यौ ?

सँगालेर अरू कसैको सपना
दिलमा मेरो उदाइ राख्यौ ।

ठानेथेँ तिम्लाई जीवन साथी
थाङ्नामा पो सुताइराख्यौ

माग्दा हिसाब मेरो बैँसको
कुरा किन चपाइराख्यौ ?

सुनाएर मलाई मेरै गजल
दिवाना खूब बनाइराख्यौ ।

गौशाला, काठमाडौँ
मधुपर्क २०६८ पुस

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *